FORMÅL
§ 1.a Masfjorden næringsforum skal vera ein interesseorganisasjon som har til formål å ta vare på, utvikla, styrka og støtta næringslivet og næringslivet sine interesser i Masfjorden kommune. Forumet skal stimulera til bevisstgjering, innovasjonsutvikling og nettverkstankegang mellom næringsaktørar, mellom næringsaktørar og kommunen og skal gjennom sitt arbeid stimulera til knoppskyting og etablering av ny næringsverksemd i kommunen.
§ 1.b Masfjorden Næringsforum skal arbeida for å fremje næringslivet si rolle i utviklinga av Masfjorden kommune ved å ta aktiv del i kommunesamfunnet. Forumet skal arbeida aktivt for å skape attraktive arbeidsplassar og tett kontakt mellom skule og næringsliv.
MEDLEMSKAP
§ 2. Masfjorden næringsforum er ope for alle verksemder og sjølvstendige næringsdrivande som er registrert i føretaksregisteret/ brønnøysundregisteret med tilknyting til Masfjorden kommune, herunder også avdelingskontor. Personar eller verksemder med spesiell interesse for næringsutvikling i Masfjorden kan òg vera medlemer. Innmeldinga må vera skriftleg og godkjent av styret. Innmeldinga trer i kraft når medlemskontingent er betalt. Utmelding skjer skriftleg og må vera gjort før 31.12.
Styret kan gjere vedtak om å seie opp medlemskap og fastsetje frå kva tid medlemskapen skal opphøyre dersom medlemmer opptrer i strid med Masfjorden Næringsforum sin vedtekter, eller motarbeider Masfjorden Næringsforum sine intensjonar. Medlemmer som får medlemskapen oppsagt skal meldast dette skriftleg. Avgjerda kan påklagast til ordinært eller ekstraordinært årsmøte.
KONTINGENT
§ 3. Kontingenten vert kvart år fastsett av årsmøtet, etter framlegg frå styret.
RØYSTEREGLAR
§ 4. Kvart medlem har ei røyst. Ved val til styret eller andre val vert dei valde som får flest røyster. Ved likt røystetal vert valet avgjort ved loddtrekning. For å ha røysterett må årskontingent for inneverande og tidlegare år vera betalt.
MEDLEMSMØTE
§ 5. Det skal haldast minst 2 medlemsmøte kvart år. Styret pliktar òg å kalla inn til medlemsmøte dersom fem medlemer eller fleire krev det. Medlemene skal ha skriftleg innkalling minst 2 veker på førehand.
STYRET
§ 6. Styret i Masfjorden Næringsforum er samansett slik:
§ Leiar
§ Nestleiar
§ 3 styremedlemer
§ 2 vararepresentantar til styret
Andre faste tillitsvalde er:
§ Valnemnd på 3 medlemer med god bransjefordeling. Valnemnda skal koma med tilråding til alle val på årsmøtet
§ 1 uavhengig rekneskapskontrollør
Leiar for styret skal veljast av årsmøtet kvart år. Dei øvrige styremedlemer vert valde for 2 år. Vararepresentantane til styret samt valnemnd og rekneskapskontrollør vert valde for 1 år. Styret elles konstituerer seg sjølv. Etter val på første årsmøte vert 2 av dei nyvalde styremedlemene trekt ut for funksjon i berre eit år.
Styret held møte så ofte som nødvendig, men minst 4 gonger i året, og i alle tilfelle når 2 av styremedlemene krev det.
Leiaren kallar inn til styremøte. Styret er ikkje vedtaksført utan at minst 3 medlemer, mellom desse leiar eller nestleiar er til stades. Ved likt røystetal har leiaren dobbelrøyst. Vararepresentantar til styret vert kalla inn til kvart styremøte.
Det skal førast protokoll ved styremøte.
STYRET SINE OPPGÅVER
§ 7. Styret sine oppgåver er:
1) Å leia Masfjorden næringsforum i samsvar med formålsparagrafen.
2) Å halda medlemsmøte i samsvar med §5.
3) Styret skal ha nær kontakt med Masfjorden kommune.
Leiar i Masfjorden næringsforum skal gjennom eit samforum, ha faste møter med den politiske og administrative leiinga i Masfjorden kommune. Det skal haldast møte i samforumet minst 4 gonger i året. Leiar av Masfjorden næringsforum kallar inn til møte. Saksliste og tidspunkt for møte i samforumet vert fastsette av ordføraren, rådmann og leiaren i næringsforumet.
4) Styret skal arbeida aktivt for å knytte kontakt med eksterne samarbeidsaktørar som kan bidra til positiv utvikling av medlemsbedriftene og av næringslivet i kommunen som heile.
ANDRE OPPGÅVER
§ 8. For å fremja formålet med Masfjorden Næringsforum kan styret oppnemna grupper som kan arbeida med spesielle saker. Styret skal oppnemna gruppeleiar og medlemer i gruppa elles.
Gruppene skal berre fremja sine saker for styret, som handsamar og koordinerer sakene i tråd med formålet til Masfjorden næringsforum. Rapport om aktiviteten i gruppene skal leggjast fram for årsmøtet som tillegg til styret si årsmelding.
ÅRSMØTET
§ 9. Årsmøtet er høgaste organet i næringsforumet og skal haldast kvart år innan utgangen av mars månad. Årsmøtet skal kallast inn skriftleg med minst 3 vekers varsel. Framlegg til årsmøtet må vera leiaren i hende seinast 14 dagar før årsmøtet. Innkomne framlegg vert lagt fram for årsmøtet med styret si innstilling.
§ 10. Årsmøtet skal handsama:
1) Årsmelding
2) Rekneskap
3) Budsjett og kontingent for kommande år
4) Saker som styret legg fram og/eller saker som er sendt styret i samsvar med § 9
5) Val til styret i samsvar med § 6
6) Val av rekneskapskontrollør
7) Val av valnemnd på 3 medlemmer
Årsmøtet kan berre gjera vedtak i dei saker som er nemnd i innkallinga.
Ved røysting vert det forslaget vedteke som får flest røyster.
Endring av vedtektene krev 2/3 fleirtal.
EKSTRAORDINÆRT ÅRSMØTE
§ 11. Ekstraordinært årsmøte vert halde når styret vedtek det eller når minst 20% av medlemene skriftleg krev det. På ekstraordinært årsmøte har ein føre berre den eller dei sakene som har gjeve grunn til innkallinga.
OPPLØYSING
§ 12. Masfjorden Næringsforum kan berre verta oppløyst etter skriftleg framlegg til styret innan utgangen av kalenderåret. Det må kunngjerast til årsmøtet, der det vert kravd 2/3 fleirtal for å verta vedteke.
Mogelege midlar skal nyttast til tiltak i samsvar med formålsparagrafen.